पाँच दिन अघि वेपत्ता भएको भनिएका सप्तरीका एक जना मृत फेला

राजविराज – पाँच दिन अघि वेपत्ता भएको भनिएका सप्तरीका एक जना सोमबार मृत फेला परेका छन् । राजविराज नगरपालिका ५ निवासी ४५ वर्षीय गजेन्द्र राउत मृत फेला परेका हुन् ।

उनको शव राजविराजस्थित सगरमाथा अञ्चल प्रहरी कार्यालय नजिकैको नालामा फेला परेको हो ।

राउतका परिवारजनले चैत २४ गते घरबाट हिँडेको भन्दै नफर्किएकोले सोही दिन जिल्ला प्रहरी कार्यालय सप्तरीमा जानकारी गराएका थिए ।

प्रहरीले खोजी कार्य गर्ने क्रममा राउतको शव सडेको अवस्थामा सगरमाथा अञ्चल प्रहरी कार्यालय नजिकैको नालामा फेला परेको जिल्ला प्रहरी कार्यालय सप्तरीले जनाएको छ । मृतकको शवलाई पोष्टमार्टमका लागि राजविराजस्थित सगरमाथा अञ्चल अस्पताल ल्याइएको छ ।