पत्रकार महासंघ अर्घाखाँची शाखा द्वारा मन्त्रीलाई सम्मान/सरकारको विकल्प खोज्न सकिन्छ:रायमाझी

नेपाल पत्रकार महासंघ जिल्ला शाखा अर्घाखाँची द्वारा आज सन्धिखर्कमा आयोजित मन्त्री सम्मान कार्यक्रममा बोल्दै माओवादी स्थायी समिति सदस्य समेत रहेका रायमाझीले शान्ती प्रकृयाको एक महत्वपुर्ण अंग सहमतिय प्रणाली भएकोले सविंधान सभामा सहभागी सम्पूर्ण दलको सहभागीता बिनाको सरकारले ल्याएको सविधान उचित नहुने भएकोले पनि सहमति र सहकार्य बिना सरकार र संबिधानले पुर्णता नपाउने बताए।
 
अहिलेको प्रमुख काम संबिधान लेख्ने भएकाले सरकार बनाउने र ढाल्ने खेलमा नलागी सबै राजनीतिक दलहरु एकजुट भई शान्ती प्रकि्रयालाई सफल बनाई संविधान जारी गर्नुपर्ने पहिलो आवश्यकता रहेको उनले जोड दिए।
 
कार्यक्रम पत्रकार महासंघ अर्घाखाँची शाखा अध्यक्ष शोभाखर पन्थीको शभापतित्व,उपाध्यक्ष हिमबहादुर जि.सी.को स्वागत मन्तब्य तथा सचिव प्रेम नारायण आचार्यको सन्चालनमा सम्पन्न भएको हो।