आषाढ़ २८ गते, २०६८ मा प्रकाशितकाठमाडौं – काठमाडौंको ठमेलमा विदेशी महिला पर्यटकलाई जबरजस्ती गर्न खोज्ने एक युवकलाई
प्रहरीले पक्राउ गरेको छ ।
महानगरीय प्रहरी परिसर काठमाडौंले ठमेलको पोताला होटलमा बसेकी नेदरल्याण्डकी
महिलालाई जबरजस्ती गर्न खोजेको अभियोगमा शेखर त्रिपाठीलाई सोमबार पक्राउ गरेको हो ।
ठमेलकै न्यू पपमा काम गर्ने त्रिपाठीले होटलको ३११ नम्बर कोठामा बसेकी लेउडे
ओष्टभिनलाई जबरजस्ती गर्न खोजेको बताएको छ ।
क्यासिनोबाट सञ्चालकसहित पक्राउ
प्रहरीले दरबारमार्ग स्थित रोयल क्यासिनोबाट सञ्चालक सहित ३ नेपालीलाई पक्राउ
गरेको छ ।
महानगरीय प्रहरी प्रभाग दरबारमार्गले आइतबार राती सञ्चालक पार्टनर अमित लामा,
न्यामगेल लामा र मनोज कुमार मण्डललाई पक्राउ गरेको हो । अमित लामा दरबारमार्गको
प्लाटिनम डिस्कोका सञ्चालक समेत हुन् ।
राति ११ बजे उनीहरुलाई पक्राउ गर्ने क्रममा दरबारमार्ग प्रभागका प्रहरी निरीक्षक
कृष्ण कोइरालाको दाहिने हातको साहिली औंला भाँचिएको प्रहरीले जनाएको छ ।
अमित लामाबाट प्रहरीले क्यासिनो सञ्चालक लेखिएको परिचयपत्र बरामद गरेको छ ।
अन्य समाचारहरु
