सिरहामा ४ बर्षीया बालिका बलत्कार गरेको अभियोगमा युवक पक्राउ

सिरहा – सिरहाको जानकीनगर ३ मा एक चार बर्षीया बालिकालाई बलत्कार गरेको
अभियोगमा एक युवक मंगलवार पक्राउ परेका छन् ।

स्थानीय नथुनी महतोका १६ बर्षीय छोरा शिबदयाल महतोलाई बलत्कार गरेको अभियोगमा
पक्राउ गरिएको जिल्ला प्रहरी कार्यालय सिरहाका प्रहरी नायब उपरीक्षक जय सापकोटाले
बताए । महतोले बालिकालाई फकाई घर नजिकै रहेको पोखरीको डिलमा लगी बलात्कार गरेको
स्थानीय प्रत्यक्षदर्शीले बताएका छन् ।

बालिकालाई बलात्कार गरेको उजुरी परेपछि प्रहरीले महतोलाई पक्राउ गरेको सापकोटाले
बताए । उनलाई छानबिनका लागि जिल्ला प्रहरी कार्यालय सिरहामा राखिएको छ । पीडक महतो
र पीडित बालिका दुबै जनाको जिल्ला अस्पताल सिरहामा स्वास्थ्य परीक्षण गराएका छन् ।
स्वास्थ्य परीक्षणको प्रतिवेदन आउन बाँकी छ ।