चर्को खडेरीको मारमा परेको अफ्रीकी मुलुक सोमालियाका राष्ट्रपति शेख शरिफ शेख
अहमदले अन्तराष्ट्रिय सहयोगका लागि आव्हान गर्नुभएको छ । भोकमरीले जनताको अबस्था
निकै खतरा र पीडादायक बनेको भन्दै उहाँले सहयोगमा ढिलाई भए भयावह स्थिति आउने
चेतावनी दिनुभयो ।
आफनै निबास मोगादिसुमा सिएनएन सँगको अन्तर्वातामा राष्ट्रपति
अहमदले सोमालिया र बोर्डरका आधा भन्दा बढी जनसंख्या खाद्य अभावमा छट्पटिरहेकोले
तत्काल सहयोगको अपिल गर्नुभएको हो ।
यसअघि अमेरिकाले सोमालियाका अनिकालग्रस्त
क्षेत्रमा खाद्यान्न सहयोग गर्ने जनाएको थियो । इस्लामी समुह अल शवावको नियन्त्रणमा
रहेको अनिकालग्रस्त क्षेत्रमा सहायता सामाग्री पठाउन अमेरिका तयार भएपनि सहायता
सामाग्री बितरणमा अल शवाव बाधक बन्न नहुने शर्त उसको छ ।
उता राष्ट्रसंघले दक्षिणी
सोमालियाका दुई प्रान्तलाई अनिकालग्रस्त क्षेत्र घोषीत गरिसकेको छ । गत बर्ष उक्त
समुहले आफ्नो नियन्त्रणमा रहेका क्षेत्रहरुमा विदेशी सहायतामा रोक लगाएको थियो
खडेरीका कारण करिब ३० प्रतिशत बालकालिका कुपोषणबाट ग्रस्त छन् भने बालमृत्युदर र
मातृमृत्यु दर पनि उच्च हुदै गएको छ ।
श्रावण ६ गते, २०६८ मा प्रकाशित
