बाग्लुङमा सात वर्षे बालिकालाई यौन दुर्व्यवहार गर्ने पूजारीलाई प्रहरीले पक्राउ

बाग्लुङ, – बाग्लुङमा सात वर्षे बालिकालाई यौन दुर्व्यवहार गर्ने एक पूजारीलाई प्रहरीले पक्राउ गरेको छ। म्याग्दी भकिम्ली-३घर भै बाग्लुङ नगरपालिका-११ उपल्लाचौरको शिव मन्दिरमा पूजा गरी बस्ने लालबहादुर भन्ने लालुपाते श्रीषलाई पक्राउ गरेको हो।

गत शुक्रबार दिउँसोको समयमा स्थानीय बालिकालाई यौन शोषण गरेपछि प्रहरीले उनलाई आइतबार पक्राउ गरेको हो। बालिकाका बाबुआमाले हेरचाहकोलागि मन्दिरमा छोडेर गएको अवस्थामा श्रीषले करणीको प्रयास गरेको बालिकाका आफन्तले बताएका छन्।

मन्दिरमा बस्ने पूजारी श्रीषले बालिकालाई यौन दुर्व्यवहार गरेको गुनासो आएपछि पक्राउ गरेको प्रहरी सहायक निरिक्षक शैलेन्द्र खड्काले बताए। श्रीषलाई जवरजस्ती करणी सम्बन्धी मुद्दा चलाउने प्रहरीले जनाएको छ।