– प्रेमनारायण आचार्य
अर्घाखाँची १३ साउन । गोरुसिङे सन्धिखर्क सडक अन्तर्गत अर्घाखाँचीको सितापुर गाविसमा आज भएको जीप दुर्घटनामा १३ जना घाईते भएका छन् । घाईते मध्ये ३ जनाको अबस्था गम्भीर रहेको छ ।
सन्धिखर्कबाट बुटबल तर्फ जादै गरेको लु१ज १२०१ नम्बरको जीप सितापुरको बुढीचौरमा दुर्घटना भएको हो ।
दुर्घटनामा गम्भीर घाईते भएका धारापानी ५ का ४५ बर्षिय रामबहादुर केसी उनका छोरा १६ बर्षिय महेन्द्र केसी र ढाकाबांग ९ का २५ बर्षिय दामोदर खनाल रहेको प्रहरीले बताएको छ ।
गम्भीर घाईते ३ जनालाई उपचारकालागि लुम्बिनी अंचल अस्पताल बुटबल लगिएको छ । भने अन्य घाईतेको स्थानीय मेडिकलमा उपचार भैरहेको छ ।
श्रावण १३ गते, २०६८ मा प्रकाशित
