भारतले ६५औं स्वतन्त्रता दिवसको अवसरमा नेपालका १७ जिल्लालाई २० वटा एम्बुलेन्स प्रदान

भारतको स्वतन्त्रता दिवसको अवसरमा काठमाडौंस्थित राजदूतावास परिसरमा आयोजित कार्यक्रममा  कार्यवाहक राजदूत श्री जयदीप मजुम्दारले राष्ट्रिय झण्डा फहराई १४ अगष्टमा राष्ट्रका नाममा भारतका राष्ट्रपतिले दिनुभएको सन्देश पढेर सुनाएका थिए । कार्यवाहक राजदूतले विभिन्न संस्थाहरुलाई १५ वटा एम्बुलेन्सहरु र ३ बसहरु उपहार स्वरुप प्रदान गरे । बााकी ५ एम्बुलेन्सहरु वीरगञ्ज स्थित भारतीय महावाणिज्यदूत श्री आशुतोष अग्रवालले त्यस क्षेत्र अन्तर्गत पर्ने संस्थाहरुलाई उपहार स्वरुप प्रदान गरेका छन् । समारोहमा कार्यवाहक राजदूतले नेपालका केही दुर्गम जिल्लाहरु लगायत विभिन्न स्थानमा रहेका ५० शैक्षिक तथा तालिम संस्थानहरुलाई पुस्तकहरु समेत उपहार स्वरुप प्रदान गरे । 

भारतले सन् १९९४ देखि नेपालको ७० जिल्लाहरुमा अवस्थित विभिन्न संस्थाहरुलाई ३२२ वटा एम्बुलेन्सहरु प्रदान गरिसकेको छ । त्यस्तै, भारतले पटक पटक गरी ६२ वटा बसहरु उपहार स्वरुप प्रदान गरेको छ ।

भारत र नेपाल सरकारबीच कूल ६२ सय करोड भन्दाबढी लगानीमा वृहत भारत-नेपाल आर्थिक सहयोग कार्यक्रम अन्तर्गत यी एम्बुलेन्स तथा बसहरु उपहार स्वरुप प्रदान गरिन्छ । उक्त कार्यक्रम अन्तर्गत शिक्षा, स्वास्थ्य तथा पूर्वाधार निर्माणका लागि ठूला तथा साना ४ सय १० भन्दा धेरै परियोजनाहरु रहेका छन् ।