पाकिस्तानको एक मस्जिदमा आत्मघाती विष्फोट, कम्तिमा ४० जनाको मृत्यु

 

खयाबर, पाकिस्तान – पाकिस्तानको खयाबरमा शुक्रबार एक मस्जिदमा शुक्रबारे प्रार्थना भइरहेकाबेला भएको आत्मघाती विष्फोटमा कम्तिमा ४० जनाको मृत्यु भएको छ ।

 

विष्फोटमा ८५ भन्दा बढी घाइते भएको स्थानीय प्रकाशनिक अधिकारी फाजल खानले पुष्टि गरेका छन् । प्रार्थनामा करिव ३ सय सहभागी थिए ।

 

विष्फोटको कुनै पनि समूहले जिम्मा नलिएको समाचार संस्था एपीले जनाएको छ । अफगान सीमा क्षेत्रमा रहेको उक्त गुन्डी गाउँमा तालिवानी आक्रमण भएको हुनसक्ने समाचारमा उल्लेख गरिएको छ ।

 

यसैबीच शुक्रबार बिहान अफगानिस्तानको काबुलमा अलग अलग ठाउँमा गराइएको विष्फोटमा कम्तिमा १० जनाको मृत्यु भएको छ । ब्रिटिस सांस्कृतिक केन्द्रमा गराइएको विष्फोटमा तीन जनाको मृत्यु भएको छ । अर्को आत्मघाती विष्फोटमा सात जनाको मृत्यु भएको हो ।

 

– एजेन्सी