संखुवासभाका पत्रकारलाई आक्रमण गर्ने आरोपीलाई बरको रुखमुनी सुतिरहेको अवश्थामा पक्राउ

गाँउका सबै घरमा सर्च गर्दा नभेटेपछि याफु प्रहरी चौकीले राईलाई बरको रुखमुनी फेला पारेको संखुवासभाका निमित्त प्रहरी प्रमुख महेन्द्रराज कार्कीले बताए । उनको साथबाट प्रहरीले खुकुरी र लाठी बरामद गरेको छ । सदरमुकाम खाँदबारीवाट याफु पुग्न २ दिन लाग्छ । उनलाई जिल्ला प्रहरी कार्यालय ल्याउने तयारी गरेको प्रहरीले जनाएको छ । आक्रमणमा संलग्न मुख्य योजनाकार विकास राई भने अझै फरार छन् ।

खाँदबारी १ स्थित आफ्नै कोठामा सुतिरहेको अवश्थामा ११ दिन अघि केही काम छ भन्दै खाँदबारी १० का विकास राई र उनका साथी रुपक राईले अन्नपुर्ण पोस्टका पत्रकार बुढाथोकीलाई एकान्तमा लगेर खुकुरी हानेका थिए । घाइते पत्रकारको जिल्ला अस्पताल खाँदबारीमा उपचार हुन नसके पछि विराटनगरस्थित नोबेल मेडिकल कलेजमा उपचार भइरहेको छ ।