गोधुलीमा साँझ (गित )

दिन ढल्यो अंधेरिमा,घाम डुब्यो,गोधुलीमा साँझ
चाँदनी मुस्कुराई रहेछ,आकाशमा,ताराहरु माझ 
***    ***    ***    ***    ***    *** 
झ्याउँ झ्याउँ,झ्याउँकिरी बास्यो, साँझको बेला 
फर्की  सके , बास  बस्न , बाँस  घारीका  चरा
अध्यरो  छायो, डाँडाकाँडा,पहरा जगत  सारा
झिलि मिली, झिल्मिलाए,  आकाशका  तारा
                               दिन ढल्यो……….
                               चाँदनी मुस्कुराई……
***   ***    ***    ***    ***   ***
सुसेली  हाल्दै, चल्छ,  चिसो  चिसो  बतास
रानी  फुल, ढकमक्क  फूली, छर्दछ  सुबाश
आफ्नो  छाँया, आफैलाई, लाग्छ  डर  त्रास
सुनशान छ रात,मौन छ त्यो,निलो आकाश 
                               दिन ढल्यो……….
                               चाँदनी मुस्कुराई……