रुसको उत्तरी सहर यारोस्लाभमा विमान दुर्घटना हकी खेलाडीको मृत्यु

 

रुसको उत्तरी सहर यारोस्लाभमा हकी खेलाडी बोकेको विमान दुर्घटना हुँदा ४३ को मृत्यु भएको छ । राजधानी मस्कोदेखि २ सय ५० किलोमिटर उत्तर यारोस्लाभस्थित विमानस्थल नजिकै उडेको केही समय मै विमान दुर्घटनाग्रस्त भएको थियो ।

 

स्थानीय आइस हकी टिमका खेलाडी विमानमा सवार थिए । कन्टिनेन्टल हकी लिगको खेलका लागि बेलारुसको राजधानी भिन्स्क जाँदै गरेको १ सय यात्रु क्षमताको उक्त विमानमा ३७ यात्रु र ८ चालक दलका सदस्य थिए ।

 

विमानका भग्नावशेष भोल्गा नदीमा भेटिएको छ । हकी टिममा रुससँगै जर्मनी, स्वीडेन, स्लोभाकियाका खेलाडी थिए । मृत्युहुने खेलाडीहरुको संख्या भने यकिन भएको छैन ।