भूकम्पबाट २२ जिल्ला प्रभावित,मृतक परिवारलाई तत्काल राहत २५ हजार एक लाख रुपैयाँ राहत दिन सिफारिश

आइतबार साँझ नेपालमा गएको शक्तिशाली भूकम्पका कारण मृत्यु हुनेको ९ पुगेको छ । भूकम्पका कारण भारतमा ३५ र तिब्बतमा ७ जनाको मृत्यु भएको छ ।

भूकम्पका कारण भक्तपुर, झापा, संखुवासभा र धनुटामा गरी चार तीनजनाको मृत्यु भएको पुष्टि भएको छ । भूकम्पका कारण होस गुमाएकी भक्तपुर गठ्ठाघरकी ६५ वर्षीया बृद्धा लीला पौडेलको गएराति उपचारका क्रममा ज्यान गएको हो । गठ्ठाघरस्थित नागरिक अस्पतालमा उपचारका क्रममा उनको राति मुत्यु भएको भक्तपुर प्रहरीले जनाएको छ ।

यस्तै घर भत्किएर पुरिँएर संखुवासभाको खाँदाबारी नुम १ का लहबहादुर राईका ५ वर्षीय प्रदिप राईको र धनकुटा फलाँटे-५ की ४० वर्षीया मधु कार्कीको मृत्यु भएको छ । झापाको मेचीनगर १० भानुटोलकी करिव ५/६ वर्षीया आयशा घिमिरेको ज्यान गएको छ । प्यारालाइसिसका बिरामी आयशा भूकम्प आउँदा बेहोस भएको र राति मृत्यु भएको प्रहरीले जनाएको छ ।

आइतबार काठमाडौंको लैनचौरस्थित बेलायती दूतावासको पर्खाल भत्किएर च्यापिँदा गोरखा भुम्लिचोकका ३६ वर्षीय साजन श्रेष्ठ, उनकी छोरी ८ वर्षीया अनिशा र सिन्धुली मरिनका २० वर्षीय वीरबहादुर माझीको मृत्यु भएको थियो । घटनामा घाइते भएका उनीहरुको मनमोहन अस्पतालमा उपचारका क्रममा ज्यान गएको थियो ।

गृह मन्त्रालयले भने भूकपमा परि ६ जनाको मात्र मृत्यु भएको छ । मन्त्रालयले काठमाडौंमा मृत्यु भएका ३, सुनसरीका २ र संखुवासभामा एक जनाको मृत्यु भएको बताएको छ । भूकम्पका कारण २४ जना गम्भीर र ७७ जना सामान्य घाइते भएका छन् भने १ सय ६८ घरमा पूर्ण रुपमा तथा १ सय ४६ घरमा आशिंक रुपमा क्षति भएको छ । घाइतेमध्ये राजधानीको वीर अस्पतालमा दुईजर्दन, ललितपुरको बी एण्ड बी अस्पतालमा ५, ठमेलस्थित मनमोहन मेमोरियल अस्पतालमा ३, ओम अस्पतालमा २ र पाटन अस्पतालमा १ जनाको उपचार भइरहेको प्रहरीले जनाएको छ । प्रहरीका अनुसार कतिपय भने उपपचार गरी घर फर्किएका छन् ।

भूकम्पले भारतको सिक्किमा २३ र भारतका अन्य राज्यमा १२ तथा तिब्बतमा ७ जनाको मृत्यु भएको छ । भारतीय सञ्चार माध्यमहरुले भने सिक्किममा मर्नेहरुको संख्या बढी रहेको बताएका छन् । आइतबार साँझ ६ बजेर २६ मिनेट जाँदा भारतको सिक्किम केन्द्रबिन्दु बनाई ६ दशमलव ९ रिक्टर स्केलको भूकम्प गएको थियो ।