साउदी अरेबियाका राजकुमार सुल्तान विन अब्दुल्लाजिजको निधन भएको साउदी टेलिभिजनले जनाएको छ । राजकुमार अब्दुल्लाजिज राजा अब्दुल्लाहका सौतेला भाई हुन र उनी साउदी राजगद्धीको उत्तराधिकारीको लाइनमा थिए । ८० वर्षिय अब्दुल्लाजिज ४ दशकदेखि रक्षा र नागरिक उड्डयन मन्त्रीको रुपमा कार्यरत थिए ।
सन् २००४ देखी क्यान्सर रोगबाट पिडित उनको अमेरिकाको न्यूयोर्क अस्पतालमा निधन भएको बताइएको छ । उनको गत जुलाईमा न्यूयोर्कमै अपरेशन भएको थियो । राजकुमार सुल्तान साउदी अरेबीयाको शक्तिशाली सुलाईरी सेभेनका सदस्य र साउदी अरबको संस्थापक राजा अब्दल्लाजिजकाका छोरोहरु मध्येका एक थिए ।
कार्तिक ६ गते, २०६८ मा प्रकाशित
