चीनको गान्सु प्रान्तमा विद्यार्थी लिएर गइरहेको बस ट्रकसंग जुध्दा १८ बालबालिका सहित २० जनाको मृत्यु

चीनको गान्सु प्रान्तमा विद्यार्थी लिएर गइरहेको मिनी बस मालबाहक ट्रकसंग जुध्दा १८ बालबालिका सहित २० जनाको मृत्यु भएको छ । मिनी बसका चालक सहित ४ बालबालिको घटनास्थलमै र अरुको उपचारका क्रममा मृत्यु भएको थियो । दुर्घटनामा घाइते भएका ४४ मध्ये केहीको अवस्था गंभिर रहेको बताइएको छ । नौ सिट क्षमताको मिनी वसमा ६४ जना सवार थिए ।

बिहानको समयमा बाक्लो हुस्सु लागेको बेला दुर्घटना भएको स्थानिय अधिकारीहरुले जनाएका छन् । दुर्घटनापछि मृतकका आफन्तहरुले बसको क्षमता र सुरक्षाको मापदण्डलाई लिएर चिन्ता र आक्रोश व्यक्त गरेका छन् । सरकारले घटना लगत्तै स्कुलका बसहरु छानवीनको आदेश दिएको छ । चीनमा गत वर्ष मात्रै सडक दुर्घटनामा ७० हजार मानिसको मृत्यु भएको थियो ।