हिंसा नियन्त्रणका लागि अरब लीगले गरेको आग्रहलाई लत्याउँदै सिरियाली राष्ट्रपति बशर अल असदले अन्तर्राष्ट्रिय दबाब सामु आफू नझुक्ने अडान दोहोर्याएका छन् । सिरियामाथि कुनै प्रकारको सैन्य कारबाही भए मध्य पूर्वमा हलचल मच्चिने चेतावनी दिंदै उहाँले सरकार विरोधी प्रदर्शनकारीलाई कारबाही गरिछाड्ने पनि बताएका छन् ।
हतियारधारी प्रदर्शनकारीको पहिचान गरी उनीहरुमाथि कारबाही गर्ने संकेत गर्दै असदले प्रदर्शनकारीलाई हतियार उपलब्ध नगराउन छिमेकी राष्ट्रहरुलाई सम्झाएका छन् ।
यसअघि अरब लीगले राष्ट्रपति असदलाई तीन दिनभित्र हिंसा नियन्त्रण गर्न आग्रह गर्दै त्यसो नगरे सिरिया विरुद्ध आर्थिक प्रतिबन्ध लगाउने चेतावनी दिएको थियो । सिरियामा राष्ट्रपति असद बिरुद्ध केही महिनादेखि जारी प्रदर्शनमको क्रममा ३५ सय भन्दा बढीको ज्यान गईसकेको छ ।
मंसिर ५ गते, २०६८ मा प्रकाशित
