अमेरिकाले अलकायदाका आर्थिक सल्लाहकार अल सुरीबारे जानकारी दिनेलाई एक करोड अमेरिकी डलर पुरस्कार दिने घोषणा

आतंकवादी संजाल अलकायदाका आर्थिक सल्लाहकार अल सुरीबारे जानकारी दिनेलाई एक करोड अमेरिकी डलर पुरस्कार दिने घोषणा अमेरिकाले गरेको छ । अमेरिकी विदेश मन्त्रालयले अल सुरी इरानमा रहेको दाबी गर्दै उनी सम्बन्धमा जानकारी दिने जोकोहीलाई उक्त पुरस्कार दिइने जनाएको हो । अलकायदाको आर्थिक संरचना ध्वस्त पार्ने उद्देश्यसहित यति ठूलो राशीको पुरस्कार घोषणा गरिएको विश्लेषण गरिएको छ ।

अफगानिस्तान, इराक र पाकिस्तानस्थित आतंकवादी संगठनहरुलाई रकम उपलब्ध गराउन अलकायदा र इरानबीच सम्झौता भएको र सोही अनुसार अल सुरीले काम गरिरहेको अमेरिकी विदेश मन्त्रालयको दाबी छ । अमेरिकाले यसअघि नै अल सुरीलगायत पाँच जनालाई अमेरिकाले कालो सूचीमा राखिसकेको छ ।