७ बन्दी भागे झ्याल फोरेर

हेटौंडा, माघ ६ जिल्ला प्रहरी कार्यालयमा रहेका सातजना बन्दी आज बिहान ४:३०
बजे झ्यालको डन्डी फोरेर फरार भएका छन्। जिल्ला प्रहरी कार्यालय स्रोतका
अनुसार फरार कैदीलाई प्रहरीको मिलोमतोमा भगाइएको शंकामा एक प्रहरी हवल्दार र
पाँच प्रहरी जवानलाई नियन्त्रणमा लिएर अनुसन्धान भइरहेको छ।
विभिन्न अपराधमा थुनिएका ती बन्दीको नाम सार्वजनिक गरेको छैन। झ्याल फोरेर ७
बन्दी भागे। प्रहरीले विभिन्न नाकामा खोजतलास गरिरहेको जिल्ला प्रहरी
कार्यालय मकवानपुरका प्रहरी नायब उपरीक्षक रामकुमार थापाले बताए।