अमेरिकाका विभिन्न राज्यहरुका आएको शक्तिशाली समुन्द्री आंधीमा परी कम्तीमा ३७ जनाको मृत्यु

 

अमेरिकाका विभिन्न राज्यहरुका आएको शक्तिशाली समुन्द्री आंधीमा परी कम्तीमा ३७ जनाको मृत्यु भएको छ । धेरै मानिस हराइरहेको आशंका गरिएको छ ।

 

भीषण आँधीबाट इण्डियाना , केन्टुकी ,ओहायो ,जर्जिया र आलावामा राज्य बढी प्रभावित भएका छन् । ओहायो राज्यमा आपताकालीन स्थितिको घोषणा गरिएको छ । आंधीका कारण व्यापक भौतिक क्षति भएको छ भने अलावामा राज्यमा विद्यालयहरु बन्द गरिएका छन् । विद्युत अवरोधका कारण हजारौं मानिस प्रभावित भएको बताइएको छ ।

 

उद्दारकर्ताहरुले जिवितहरुको खोजी तिब्र पारेका छन् । अमेरिकी राष्ट्रपति बाराक ओबामाले संघिय सरकारलाई सहयोगको आश्वासन दिनु भएको छ । गत शुक्रवार मात्र अमेरिकाका विभिन्न भागमा ९० भन्दा बढी साना ठूला आंधीले जनजिवन अस्तव्यस्त बनेको छ ।