नाइजेरियामा आत्मघाती बिस्फोटमा १० जना मारिएका छन् । नाईजेरियाको जोश शहरको चर्चमा बिस्फोटक पदार्थले भरिएको कार प्रवेश गर्ने बित्तिकै बिस्फोट भएको बताईएको छ ।
प्रार्थनाको समयलाई लक्षित गरी गराइएको बिस्फोटमा परी मृत्यु हुनेमा श्रद्धालु भक्तजन छन् । चर्चको सुरक्षार्थ खटिएका सुरक्षाकर्मीले शंकास्पद कारलाई रोक्न खोजेलगत्तै बिस्फोट गराएको नाईजेरियाली अधिकारीहरुले बताएका छन् ।
बिस्फोटका कारण चर्चको केही भागमा क्षति पुगेको छ भने घटनामा थुप्रैं घाइते भएका छन् । नाईजेरियाको आतंकबादी समूह बोको हरामले बिस्फोट गराएको हुनसक्ने आशंका गरिएपनि हालसम्म यसको जिम्मेवारी कसैले लिएको छैन ।
फाल्गुन २९ गते, २०६८ मा प्रकाशित
