आइएमएफका पूर्व प्रमुख डोमिनिक स्ट्रास कान विरुद्ध बेश्याहरुको संजाल बनाएको अभियोगमा मुद्धा

अन्तराष्ट्रिय मुद्रा कोष आइएमएफका पूर्व प्रमुख डोमिनिक स्ट्रास कान विरुद्ध बेश्याहरुको संजाल बनाएको अभियोगमा मुद्धा चलाएका छन् ।

 

 उत्तरी फ्रान्सको लील शहरमा अधिकारीहरुले ६२ बर्षे कानसँग लामो सोधपुछ गरपछि उनी बेश्याहरुको घेरा भित्र रमाउने गरेको ठहर भएको हो ।

 

कान सहभागी हुने पार्टीहरुमा वेश्याहरुलाई बोलाईने गरेको पुष्टि भएको छ । यद्यपी स्ट्रास कानले ती महिलाहरु पैसाका लागि वेश्यावृतिमा संलग्न रहेको बारे आफुलाई थाहा नभएको बताएका छन् ।

 

प्रहरीले नियन्त्रणमा लिएका महिलाहरुले आफु र स्ट्राउस कानबीच शारिरीक सम्बन्ध भएको बयान दिएका छन् । कानका वकीलले भने उनी निर्दोष रहेको साबित गरेर देखाउने दाबी गरेका छन् । डोमिनिक स्ट्राउस कानमाथि सन् २०१० को अन्त्य र २०११ को शुरुवातमा सेक्स पार्टीहरुमा सहभागि भएको आरोप लागेको छ । यो मुद्धालाई फ्रान्समा काल्र्टन अफेयरको नाम दिइएको छ ।

 

गत मेमा अमेरिका भ्रमण रहेको बेला होटलकी महिलासंग यौन सम्पर्क गरेको आरोप लगोपछि उनी आईएमएफको प्रमुखबाट हटाईएका थिए ।