राष्ट्रपति आसिफ अली जर्दारीको भारत भ्रमण निकै महत्वपूर्ण फलदायी रहेको पाकिस्तानका सबैजसो अखबारहरुले जनाएका छन् ।
तीर्थ यात्रा बताइएको यो भ्रमणका बीचमा भारतीय प्रधानमन्त्री मनमोहन सिंहसँग भएको भेटवार्ता र पाकिस्तान भ्रमणलाई दिइएको निम्तो सिंहले स्वीकार्नुले दुई देशबीचको सम्बन्ध बलियो हुने खबर पाकिस्तान टुडेले छापेको छ ।
निजी भ्रमण भनिएपनि दिल्लीमा सबै विषयमा खुलस्त छलफल हुनु सकारात्मक हो खबरको निष्कर्ष छ ।
यस्तै सत्ताधारी पीपुल्स पार्टीका अध्यक्ष बिलावल भुट्टोले भारतीय कांग्रेसका युवा नेता राहुल गान्धीसँग भेटवार्ता गरेको र गान्धीलाई दिइएको पाकिस्तान भ्रमणको निम्तो स्वीकारिएको दावी पनि गरिएको छ ।
चैत्र २७ गते, २०६८ मा प्रकाशित
