कांग्रेस अर्घाखाँचीको गुफा भित्र बैठक

खोलाको किनारामा रहेको अनकन्टार झाडी सहितको जंगलको बीचमा अवस्थित अनौठा संरचना र विभिन्न किसिमका आकृतीहरु रहेको ६ तले गुफा भित्र मुलद्धारको पहिलो तला कोठा मा करिब ३० जना अटाउन सक्ने गुफामा सोमबार काग्रेसको बैठक बसेको हो  । जिल्लामा रहेका पर्यटकीय स्थलहरुलाई प्रचारप्रसार गर्ने र आन्तरिक तथा बाहय पर्यटक भित्राउने उद्देश्यले यहाँ बैठकको आयोजना गरिएको भुसालको दावी छ । बैठकमा सबै पदाधिकारी सहित बहुमत सदस्य उपस्थित भएका थिए ।

गाउँका कार्यकर्ताले जिल्ला नेतालाई फुलमालाले स्वागत गर्दै गाउँभरी दुध जम्मा गरर खिर खुवाएर खुसीयाली मनाएका थिए । धेरैजसो महिलाहरुको संख्या उलेख्य थियो । कतिपयले आफुहरु तीन घण्टा पैदल हिडेर आएको बताए ।  बैठक बस्नु त नौलो नै भयो तर जिल्लाका सबै नेताहरु गाउँमा यसरी आएको ईतिहाँसमै पहिलो पटक भएको धातीवाङ्ग गाउँ कार्य समितिका सभापति मोदनाथ पौडेलले बताए । द्धन्द्धको बेला संगठन गर्नु त कुरै थिएन कसरी ज्यान बचाउन पाए हुन्थ्यो भन्ने थियो उनले भने डर त्रासमा बाँच्यौ तर अहिले नेताहरु गाउँमै आउँदा काग्रेसको संगठन फेरी जाग्दैछ । द्धन्द्धको बेला माओवादीले यहाँबाट २ जना काग्रेस नेताको घरमा तालावन्दी गरि लखेटेका थिए ।

बैठकले संगठन विस्तार गर्न नयाँ रणनीति तयार गर्दै द्धन्द्धको समयमा संगठन नछाडेर बसेका कार्यकर्ताहरुलाई जगाउने जसको लागि गाउँमा सभा गर्ने घरदैलो अभियान सचालन गर्ने जनताको माझमा गएर विकास निर्माणका काम र समस्याबारे छलफल गर्ने खानेपानी शिक्षा स्वास्थ्य पर्यटन कृषि सामाजिक सेवा लगायतका विकास निमर्ँणका योजना छनोट गर्न सघाउने उद्देश्य रहेको बैठकपछि अर्का सचिव लोकेन्द्र विकले बताए । उनले ४२ वटौ गाउँमा पार्टी निमर्ँण कि्रयाशिल सदस्यता वितरण जेष्ठ नागरिक सम्मान विद्यार्थी महिला दलित जनजाती लगायत युवाहरुलाई संगठित गर्ने कार्यलाई शसक्त बनाईने बताए । यस्तो सुन्दर ठाउँमा बैठक बस्दा ठोस निर्णय हुने भएकाले गुफामा बसेको बैठक आफैमा महत्वपुर्ण भएको काग्रेस नेताहरुले बताए । बैठक बस्नु अघि सबै नेताहरु गुफा भित्र लाईट बत्ती बालेर सुरुङ्ग भित्र समेत घुमे ।