मलेसियामा निर्वाचन प्रणालीमा सुधारको माग गर्दै आज दोश्रो दिन पनि प्रदर्शन जारी छ ।
राजधानी क्वालालम्पुरमा जम्मा भएका सयौं कार्यकर्ता र प्रहरीबीच भएको झडपमा थुप्रै घाइते भएका छन् ।
मलेसियाका बिभिन्न शहरमा प्रदर्शनकारीले र्यालीको आयोजना गरी आफूहरुको माग पूरा नभए कडा संघर्षमा उत्रने चेतावनी समेत दिएका छन् ।
बिरोध प्रदर्शनलाई ध्यानमा राखी शहरका मुख्य मुख्य क्षेत्रमा तारबार लगाउनुका साथै सुरक्षाब्यबस्था निकै कडा तुल्याईएको छ ।
प्रदर्शन प्रतिपक्ष समर्थिन सुधारबादी समूह बर्सिहको नेतृत्वमा भएको हो ।
मलेसियाको संसदले यसै महिना चुनावी सुधारसम्बन्त्री थुप्रै प्रस्तावहरु पारित गरेको छ । तर प्रदर्शनकारीहरुले निर्वाचन आयोग निष्पक्ष नभएको र मतदाता नामावली नै त्रुटिपूर्ण भएको आरोप लगाएका छन् ।
बैशाख १७ गते, २०६९ मा प्रकाशित
