कोलोम्बियाको बिद्रोही समूह फार्कले केही महिनादेखि बेपत्ता रहेका फ्रान्सेली पत्रकार आफूहरुको कब्जामा रहेको पुष्टि गर्दै भिडियो सन्देश सार्वजनिक गरेको छ ।
गत महिना कोलोम्बियाली सेना र बिद्रोहीबीचका भिडन्तका बेला बिद्रोहीले कब्जामा लिएका फ्रान्सेली पत्रकार रोमियो लाङग्लोइसलाई अपहरण गरिएको दृष्य स्वतन्त्र पत्रकार कार्ल पेन्हउलले सार्वजनिक गरेपछी बिद्रोही समूहले पनि भिडियो सन्देश सार्वजनिक गरेको हो ।
उनलाई गत मे महिनामा अपहरण गरेको र अपहरणको कारणबारे केही जनाईएको छैन । लाङग्लोइस फ्रान्सको ट्वान्टी फोर नामक टेलिभिजन र एक स्थानीय पत्रिकाका लागि गत पाँच बर्षदेखि कोलोम्बियामा कार्यरत थिए ।
बैशाख २५ गते, २०६९ मा प्रकाशित
