जेष्ठ ६ गते, २०६९ मा प्रकाशित
वीरगंजस्थित भारतीय महावाणिज्य दूतावासका एकजना कर्मचारीलाई फिर्ता पठाउन सत्तारुढ तीन प्रमुख पार्टीले माग गरेका छन्।
तराईमा आन्दोलन चर्काउन स्थानीय नेतालाई उचालेको भन्ने समाचार प्रकाशमा आएपछि एकीकृत नेकपा माओवादी, नेपाली कांग्रेस र नेकपा एमालेका शीर्ष नेताको बैठकले त्यस्तो निर्णय गरेको हो।
तर भारतीय दूतावासले उक्त समाचारको खण्डन गरेको छ।
दूतावासले एउटा विज्ञप्ती प्रकाशित गर्दै ती समाचार तथ्यगत रुपमा गलत र भ्रामक भएको जनाएको छ।
शीर्ष बैठकले मेहताले दिएको भनिएको अभिव्यक्तिलाई लिएर भारत सरकार सामु आपत्ती प्रकट गर्ने निर्णय पनि गरेको छ।
उपप्रधानमन्त्री श्रेष्ठले भने, “हामीले परराष्ट्र मन्त्रालय मार्फत भारत सरकारको ध्यानाकर्षण गराउने र आपत्ती प्रकट गर्ने निर्णय पनि गरेका छौं।”
माओवादी अध्यक्ष प्रचण्डले भारतीय राजदूत जयन्त प्रसादलाई बोलाएर त्यस विषयमा प्रष्ट पार्न आग्रह गरेको प्रचण्डको निजी वेबसाईटले जनाएको छ।
एमाले केन्द्रिय कमिटीको बैठकले पनि त्यसप्रति गम्भीर आपत्ती प्रकट गरेको थियो।
अन्य समाचारहरु
