पाइलटहरुको आन्दोलनले संकटमा परेको भारत सरकारको वायु सेवा कम्पनी एयर इण्डिया आर्थिक संकटले थप मारमा परेको छ ।
एयरइण्डियाले सरकारलाई ४ सय ५४ करोड रुपैया भुक्तान गर्नुपर्ने विवरण सार्वजनिक भएपछि थप संकटमा परेको हो । एयरइण्डियाले भने सरकारबाट वित्तिय सहायता प्राप्त हुनेमा आशावादी भएको जनाएको छ । भारतीय समाचार एजेन्सी पीटिआईका अनुसार एयरइण्डियाले सेवा कर वापत मात्रै ३ सय ९५ करोड रुपैँया तिर्नु पर्नेछ ।
दश दिनअघि देखि पायलटहरु हड्तालमा उत्रिएपछि एयर इन्डियाका कैयौं उडानहरु रद्ध हुँदै आएका छन् । एयर इण्डियाले ५० अन्तर्राष्ट्रिय र ४ सय आन्तरिक उडान भर्दै आएको छ ।
जेष्ठ ७ गते, २०६९ मा प्रकाशित
