जेष्ठ ७ गते, २०६९ मा प्रकाशित‘फर्कदै थिए एकदुई ठाउँमा प्रेस कार्ड देखाएपछि छाडे,’ घाइते पत्रकार शर्माले नागरिकसँग भने, ‘बासामा भने छाडेनन् दायाँ हातमै हाने।’ तपाँईहरुकै कार्यक्रमको समाचार लिएर आएको नपत्याए हेर्नुस् भनेर क्यामराका फोटो पनि देखाए तर मोटरसाइकल फुटाईदिए, जलाईदिए उनले घटना सुनाउदै भने तपाँईकै अध्यक्षलाई फोनमा कुरा गर्नुस् यसो नगर्नुस्भन्दा मोबाइल खोसेर फाले अनि हातमा लाठोले हाने। कुट्दाकुद्दै भिडबाट आएका एकजना थारुले नै रोकेर जोगाए अनि सुरक्षित ठाउँमा लगे। अस्पताल ल्याउदा हाँत भाँचिएको थाहा भो।’
शर्मा सवार मोटरसाइकलमा समेत आगजनी भएको छ। शर्माको पृश्वीचन्द्र अस्पताल परासीमा उपचारपछि थप उपचारका लागि बुटवल लैजाने तयारी भैरहेको नेपाल पत्रकार महासंघ नवलपरासीका सचिव पुरुत्तोम सुवेदीले बताए। पत्रकार शर्मामाथि भएको आक्रमणको नेपाल पत्रकार महासंघ नवलपरासीले खेद जनाएको छ। प्रेस चौतारी, नेपाल प्रेस युनियन, क्रान्तिकारी पत्रकार संघ नवलपरासीले शर्मामाथिको आक्रमण प्रेसमाथिको आक्रमण भएको भन्दै सुरक्षाको माग गरेको छ। कावासतीका डिएसपी मुकुन्द मरासिनीसँग भेटेर सुरक्षाको माग समेत पत्रकारहरुले गरेका छन्।
आफूहरुको पक्षमा समाचार नआएको भन्दै विगत केही समययता थारु समुदाय सञ्चारमाध्ययमप्रति रुष्ट देखिएका छन्। रातीको घटना सेलाउन नपाउदै आइतबार बिहान थारु कार्यकर्ताले बासा सडकमा एकदर्जन सवारीमा तोडफोड र आगजनी गरेका छन्। बस, एम्बुलेन्स, मोटरसाइकलजस्ता सवारी तोडफोडको निशाना बनेको परासी प्रहरीले बताएको छ। थारु प्रदर्शनकारीहरुले वुटवलबाट चितवन आउँदै गरेको ना४ख ४८४३ र ना४ख ४६८२ नम्बरको मालबाहक ट्रक, ना१ख ७४१२ नम्बरको पानी ट्याङकर, ना२ख ७०६१ नम्बरको सिमेन्ट बोकेको ट्रक, ना३ख १७०७ नम्बरको चकलेट बोकेको ट्रकमा आगजनी र तोडफोड गरेका हुन्।
लगातारको बन्द अवज्ञा गरेको भन्दै भे १ प ५८६४ र लु ७ प ६४८१ नम्बरको मोटरसाईकल,नम्बर नखुलेको भ्यान र एक मोटरसाईकल तथा राती पत्रकार हरिशर्माको लु १ प २६१८ नम्बरको मोटरसाईकल पनि आगजनी र तोडफोड भएका छन्।
राति एक्कसी हुलका हुल निस्केर अराजक बन्दै सडकमा उत्रने र तोडफोड गर्ने प्रविर्ती बढ्दै गएको प्रहरी प्रमुख ज्ञानविक्रम शाहले बताए। सडकमा सुरक्षा व्यापक बनाउदा पनि सुरक्षा घेरा तोडेरै प्रदर्शन र तोडफोड हुने गरेको प्रहरीको भनाई छ। सो क्षेत्रमा पटक पटक प्रहरी र थारुप्रदर्शनकारीबिच झडपहुँदा गोली र अश्रुग्याँस चलेका छन्।
जातीय राज्यको मागका विषयमा केन्द्रीय तहमा बहस चलिरहदा दबाब दिन देशका विभिन्न स्थानमा थारुसमुदायले बन्द जारी राखेका छन्। कडा बन्द भन्दै नवलपरासीको बासा क्षेत्रमा कुनैपनि समयमा सवारी चल्न दिइएका छैनन्। चितवन लगायतका क्षेत्रमा साँझ बन्द खुलेर सहज हुँदा गएका सवारी बासामा दैनिकजसो तोडफोड भैरहेका छन्। बिरामी बोकेको एम्बुलेन्सदेखि राती बसमा यात्रारत यात्रुहरु आक्रमणको शिकार बनिरहेका छन्। कतिपय बिरामी बस र एम्बुलेन्समै मर्न वाध्य भएका छन्। लगातारको बन्दले जनजीवन सास्तीपूर्ण बन्दै गएको छ।
यता लामो बन्दका क्रममा सदभावपूर्ण रहेको चितवनमा पनि तोडफोडका फाटफुट घटना हुन थालेका छन्। नेपाल टेलिकम,जिल्ला विकास समितीमा आईतबार बन्दकर्ताहरुले तोडफोडको प्रयास गरे। त्यस्तै भरतपुरका केही स्थानमा मोटरसाईकल तोडफोड भएका छन्। खैरहनीमा प्रहरी र जनजाती प्रदर्शनकारीबिच विवादपछि झडपको अवस्था श्रृजना हुँदा तीनसेल अश्रुग्याास प्रहार गरिएको थियो। स्थानिय प्रहरी प्रशासन र राजनीतिक दलहरुबिच पटक पटक छलफल गरेर कार्यक्रम ,सभा गर्दा रुट मिलाएर गर्दै आएको थियो। स्थानीय प्रशासनले भने सदभाव बिथोल्न नदिन आफुहरु प्रयत्नशिल रहेको बताएको छ।
अन्य समाचारहरु
