परिसदमा सहभागि गराउन अर्घाखाँचीका एच आई भी संक्रमितहरुको माग

  अर्घाखाँची १३ जेठ। अर्घाखाँचीका एच आई भी संक्रमितहरुले जिल्ला परिसद र गाँउ परिसदमा आफुहरुको प्रतिनिधित्व सुनिश्चित हुनु पर्ने माग गरेका छन् ।

  सन्धिखर्कमा एच आईभी संक्रमित तथा सरोकारवालाहरु बिच टि.बि एच आई भी सम्बन्धि एक दिने अन्तरकि्रया कार्यक्रममा बोल्ने संक्रमितहरुले सरकारी तथा  गैर सरकारी कार्यलय र बैंकहरुले समेत एचआई भी संक्रमितहरुलाई हेर्ने दृष्टिकोण फरक भएको गुनासो गरेका छन् ।  

  सन्देस सहयोग समुह अर्घाखाँचीको आयोजना  राष्ट्यि क्षयरोग केन्द्र काठमाण्डौ र एच आई भी स्कमित महिलाहरुको राष्ट्रिय महासंघको सहयोगमा कार्यक्रम सम्पन्न भएको हो ।

  कार्यक्रममा सहायकप्रमुख जिल्ला अधिकारी भेसराज खनाल जिल्ला स्वास्थ्य कार्यलयका प्रमुख रामप्रसाद सापकोटा एमाओबादीका जिल्ला सेक्रेटरी ठाकुर कुमार बिक नेापाली काग्रेसका जिल्ला सचिब लोकेन्द्र बिक  एमालेका जिल्ला सचिबालय सदस्य सरोज भुसाल  जिल्ला शिक्षा कार्यलयका मणिराम पराजुली सुनिल अधिकारी लगायतले मन्तब्य राख्नु भएको थियो । 

   कार्यक्रम सन्देस सहयोग समुहका अध्यक्ष पार्बता बन्जाडेको अध्यक्षता र बिपना थापाको संचालनमा सम्पन्न भएको हो ।