जेष्ठ १७ गते, २०६९ मा प्रकाशित
संविधानसभा विघटन भएपछि उत्पन्न संवैधानिक एवं राजनीतिक संकटबारे पहिलो पटक मुख खोल्दै राष्ट्रपति रामबरण यादवले काम चलाउ सरकार प्रमुखको हैसियतमा दैनिक कार्यसञ्चालनका काम मात्र गर्न प्रधानमन्त्री बाबुराम भट्टराईको ध्यानार्षण गराएका छन्।
संविधानसभा विघटन लगत्तै संविधानविद्हरुसँगको औपचारिक एवं अनौपचारिक छलफललाई तीव्रता दिएका राष्ट्रपति यादवले पछिल्लो राजनीतिक परिस्थितिप्रति आफूले विशेष जिम्मेवारी बोध गरेको स्पष्ट पारेका छन्।
राष्ट्रपति कार्यालयबाट जारी गरिएको उनको विज्ञप्तिमा अधिकांश शब्दहरु प्रधानमन्त्री बाबुराम भट्टराईको संवैधानिक हैसियतका बारेमा खर्च गरिएको छ।
संविधानसभा र व्यवस्थापिका संसद विघटनसँगै प्रधानमन्त्री भट्टराईले सबै अधिकार प्रयोग गर्ने पूर्णकालिन कार्यकारी प्रमुखको संवैधानिक हैसियत गुमाएको कुरालाई विभिन्न शब्दमार्फत स्पष्ट पार्न खोजिएको छ र भट्टराई काम चलाउ प्रधानमन्त्री मात्र भएको स्पष्ट संकेत दिइएको छ।
अन्तरिम संविधान बमोजिम अर्को मन्त्रिपरिषद् गठन नभएसम्म दैनिक कार्यमात्र सञ्चालन गर्न राष्ट्रपतिले प्रधानमन्त्री भट्टराईलाई स्मरण गराएका छन्।
भट्टराई नेतृत्वका मन्त्रिपरिषदका सदस्यहरुलाई धन्यवाद दिंदै राष्ट्रपतिले अन्तरिम संविधानको मर्म अनुसार राजनीतिक सहमति र सहकार्य गरि अघि बढ्न सबै दललाई आग्रह गरेका छन्।
प्रधानमन्त्रीले घोषणा गरेको नयाँ चुनाव संवैधानिक छ वा छैन भन्ने बारेमा चाहीं राष्ट्रपतिले विज्ञप्तिमा केही पनि उल्लेख गरेका छैनन्।
तर संविधानसभाका पूर्व अध्यक्ष नेम्वाङले सञ्चारकर्मीसँग कुरा गर्दै आफूले अन्तरिम संविधान संशोधन गरेर मात्र चुनाव घोषणा गर्न आग्रह गरेको तर त्यसलाई बेवास्ता गरिएको बताए।
उनले भने,
अन्य समाचारहरु
