अमेरिकी मानवरहित ड्रोन बिमान हमलामा पाकिस्तानका १५ जना आतंककारी मारिएका छन् ।
पाकिस्तान र अफगानिस्तानको सीमामा रहेको वजीरिस्तान प्रान्तको हेसोखेल गाउँमा गरिएको हमलामा १५ जना आतंककारीको मृत्यु भएको हो ।
अमेरिकाले यसै साता मात्र तीन पटक गरेको ड्रोन हमलामा २७ जना आतंककारी मारिइसकेका छन् । गत नोभेम्बरमा अमेरिकी आक्रमणमा २४ जना पाकिस्तानी सेना मारिएपछि केही समयलाई रोकिएको ड्रोन विमान आक्रमण फेरि थालिएको हो ।
पाकिस्तानमा रहेका अलकायदा लगायत अन्य आतंकबादी संगठनहरुले अमेरिकामा हमलाको योजना बनाइरहेको भन्दै आक्रमणलाई निरन्तरता दिएको अमेरिकाले जनाएको छ ।
जेष्ठ २२ गते, २०६९ मा प्रकाशित
