जीपको ठक्करबाट अर्घामा बालकको मृत्यु

अर्घाखॉची असार ९ गते । अर्घाखॉची मैदान २ मा जिपको ठक्करबाट एक वालक शनिवार ज्यान गएको छ ।

अर्घा गाविसको मैदानबाट सन्धिर्खक आउदै गरेको लु १ ज ४४७७ निजि सवारी वलेरोले ठक्कर दिएपछि स्थानीय ५ वर्षिय अभिषेक दर्जीको घटनास्थल मै ज्यान गएको हो ।

प्रहरीले ठक्कर दिने चालक र गाडीलाई नियन्त्रणमा लिई अनुसन्धान जारी राखेको जिल्ला प्रहरी कार्यलय अर्घाखॉचीका प्रहरी नायव उपरिक्षक अरुण पौडेलले जानाकारी दिए ।

 

 

 

---

 

-प्रेमनारायण आचार्य

 

अर्घाखाँची ९ असार । अर्घाखाँचीको अर्घा २ मैदानमा आज बिहान नम्बर नखुलेको सामान बोक्ने जीपको ठक्करबाट एक बालकको ज्यान गएको छ ।

अर्घा १ का ५ बर्षिय बालक अभिसेक परियारको नम्बर नखुलेको सामान बोक्ने जीपले अर्घा २ को मैदानमा बिहान करिब साढे नौ बजे ठक्कर दिदा ज्यान गएको स्थानीय बासिन्दाले बताएका छन् । घटना पछि स्थानीय बासिन्दा आक्रोसित भएका छन् ।

बच्चा किचेपछि जीप लिएर चालक फरार भएका छन् । घटनाको बारेमा अनुसन्धान भैरहेको र , जीप र जीप चालकको समेत खोजी भैरहेको जिल्ला प्रहरी कार्यलय अर्घाखाँचीले बताएकोछ ।