अमेरिकाको बिभिन्न शहरमा आएको आँधी तूफानमा परी १२ जनाको मृत्यु भएको छ । ठाउँ ठाउँमा घरहरु भत्केका छन् । तूफानका कारण बिजुलीका पोलहरु ढलेकाले बिजुली आपूर्ती बन्द भएको छ ।
भर्जिनिया, वाशिङटन डिसी, ओहियो र मिशिगन स्टेटमा बिधुत आपूर्ती बन्द हुँदा जनजीवन प्रभावित भएको छ ।
बिजुलीको पोल ढलेकाले यातायात समेत अवरुद्ध बनेको छ ।
सो शहरहरुमा आपतकाल घोषणा गरिएको छ । बिधुत आपूर्ती पुन सन्चालनमा ल्याउन अझै एक साता लाग्ने अमेरिकी अधिकारीहरुले बताएका छन् । तूफानका कारण वाशिङटन डिसीको तापमान ४० डिग्री सम्म पुगेको छ ।
आषाढ़ १७ गते, २०६९ मा प्रकाशित
