आषाढ़ २० गते, २०६९ मा प्रकाशितपाकिस्तानले अफगानिस्तानामा तैनाथ नेटो सेनाको लागि अत्यावश्यक सामग्री आपुर्तीको लागि प्रयोग हुने आफ्नो देशको बाटो फेरी खोलिदिने भएको छ । गत नोभेम्बरमा अमेरीकी सेनाको हवाई आक्रमणका २४ पाकिस्तानी सैनिक मारीएपछि पाकिस्तानले नेटो गठबन्धनको लागि अफागनिस्तानमा खाद्यान्य लागायतका सामग्री ओसारपसार गर्ने बाटो बन्द गरिदिएको थियो । यसले अफगानिस्तानमा तैनाथ नेटो मिशनलाई नैं अप्ठ्यारोमा पारेको थियो ।
हिजो साँझ अमेरीकी विदेशमन्त्री हिलारी क्लिन्टनले आफ्नो सेनाको गल्तीले भएको आक्रमणमा २४ पाकिस्तानी सैनीक मारीएको घटनाप्रति माफी मागेपछि ढुवानी मार्ग फेरी सुचारु गर्न पाकिस्तान सहमत भएको हो । अमेरीकी विदेशमन्त्री हिलारी क्लिन्टन र वहाँको पाकिस्तानी समकक्षी हिना रब्बानी खारले टेलीफोनमा वार्ता गरेपछि अमेरीकाले घटनाप्रति दुख व्यक्त गर्दै क्षमायाचना गरेको हो ।
नोभेम्बर यता पाकिस्तानले आफ्नो भुमीबाट हुने ढुवानीमा रोक लगाएपछि अमेरीकाले पुर्वी एशीयाली राष्ट्रहरुसँग नयाँ मार्गको लागि सम्झौता गरेपनि त्यो बाटो नेटोको लागि निकै महंगो पर्दथ्यो । पाकिस्तानले बाटो खोलीदिने भएपछि अमेरीकासँग विग्रदो उसको सम्बन्ध केही सुधारीने देखीएको छ । यसले पामिस्तानका नयाँ प्रधानमन्त्री राजा परभेज अस्राफलाई पनि बलीयो बनाउने विष्लेषण गरिएको छ ।
अन्य समाचारहरु
