अष्ट्रेलियाकी जीना राइनहार्ट बिश्वकै धनी महिला बन्न सफल भएकी छिन् । अष्ट्रेलियामा फलाम खानी खोली बसेकी जीना राइनहार्टको कुल सम्पत्ती २९ दशमलव ३ अर्व अमेरिकी डलर रहेको छ ।
अष्ट्रेलियाको बिजनेश पत्रिकाले हालै सार्वजनिक गरेको तत्थ्यांकमा जीनाले निकट भविष्यमै आफनो सम्पत्ती सय अर्व अमेरिकी डलर पु-याउने लक्ष्य लिएको छ ।
जीनाका पिताले सन् १९५० मा खोलेको फलाम खानीको जिम्मेवारी सम्हालेकी जीनाले सोही फलाम खानीबाट सम्पत्ती आर्जन गरेको पनि बिजनेश पत्रिकाले जनाएको छ ।
यसअघी बिश्वकै धनी महिलामा अमेरिकी महिला ओपरा विन्फ्रे र बेलायती महारानीको नाम अंकित थियो । जिना निकट भविष्यमै विश्वकै धनी महिलाबाट विश्वकै धनी व्यक्तिहरुको सुचीमा आउने समेत उक्त पत्रिकाको दावि छ ।
आषाढ़ २६ गते, २०६९ मा प्रकाशित
