सिरियाको राजधानी दमास्कसमा राष्ट्रपति बसार अल असाद बफादार सरकारी सेना र फ्रि सिरियन आर्मीका लडाकुहरुबीच भीषण संघर्ष भएको छ ।
प्राप्त समाचार अनुसार गोली र मोर्टार आक्रमणका कारण राजधानी दमास्कसबासी आतंकित भई सुरक्षित स्थानतर्फ भागेका छन् ।
भीषण संघर्षमा के – कती हताहात भए अझै केही थाहा हुन सकेको छैन ।
प्रत्यक्षदर्शीहरुले दमास्कसको अधिकांश भागमा धुवाँको मुस्लो देखिएको बताएका छन् ।
यसअघि ईडिव, होम्स र हामा शहरमा मात्र भीडन्तहरु हुने गरे पनि राजधानी दमास्कसमै युद्ध चर्किकाले सिरिया गृहयुद्धको संघारमा पुगेको विश्लेषण गरिएको छ ।
थाहा भए अनुसार १६ महिने संघर्षमा अहिले सम्म १८,००० भन्दा बढीको मृत्यु भईसकेको छ।
श्रावण २ गते, २०६९ मा प्रकाशित
