नरपानी दुर्घटनामा मृत्यु भएका सबैको सनाखत, गच्छे घाटमा सामुहिक दाहसस्कार

अर्घाखाँची- नरपानी स्थित दहखोलामा आईतवार भएको फोर्स दुर्घटनामा परी घटनास्थलमै मृत्यु भएका १५ जनाको सनाखत भएको छ । बुटवलबाट आईतवार सन्धिखर्कतर्फ आउँदै गरेको बा २ ख ७९४८ नम्बरको फोर्स गाडी छाँगोबाट खोलामा खस्दा १५ जनाको घटनास्थलमै ज्यान गएको थियो । 

मृत्यु हुनेमा अर्घाखाँची अनुसन्धान कार्यालयका अनुसन्धान अधिकृत केरुगा घर भएका २५ वर्षीय मेघराज खनाल दाङ घर भएका सोही कार्यालयमा कार्यरत अनुसन्धान सुचक ४२ वर्षीय कृष्ण चौधरी गाडी मालिक वाँगी गाविसमा घर भएका ३० वर्षीय नारायण पंथी चालक कपिलवस्तुका २७ वर्षीय राजेन्द्र चौधरी पटेल सहचालक सितापुरका १८ वर्षीय पदम क्षेत्री वाडला गाविसकी ३२ वर्षीय सिता वस्नेत कपिलवस्तुका ३४ वर्षीय ओमप्रकाश बेल्वासे र उनकी श्रीमती २७ वर्षीय शारदा हंसपुरकी ३४ वर्षीय मिना नेपाली खाँचीकोटकी ४२ वर्षीय कमला पौडेल जुकेनाकी ४६ वर्षीय चेतकला न्यौपाने ठाडाकी २९ वर्षीय शान्ता अधिकारी ढाकावाडका ३५ वर्षीय केशव थापा मगर नवलपरासीका २२ वर्षीय अंगद मुसहर र ३२ वर्षीय गेडाहा मुसहर रहेको प्रहरीले जनाएको छ ।

दुर्घटनामा परी ५ जना घाईते भएका छन जसमध्ये कपिलवस्तुका अनिसा बेल्वासे र आशा बेल्वासे नवलपरासीका अर्जुन मुसहर र सोनाम नेपालीको भरतपुर मेडिकल कलेजमा उपचार भैरहेको छ हंसपुरका कृष्ण बहादुर नेपालीका लुम्बिनी अञ्चल अस्पतालमा उपचार भैरहेको र जसमध्ये अर्जुनको अवस्था चिन्ताजनक अवस्थामा रहेको प्रहरीले बताएको छ । जिल्ला अस्पतालमा पोष्टमार्टमपछि सन्धिखर्क र खाँचीकोटको बीचमा पर्ने गच्छे घाटमा सामुहिक रुपमा दाहसस्कार गरिदैछ । यति धेरैको संख्यामा ज्यान गएपछि अर्घाखाँची शोकमग्न भएको छ ।

सनाखत भएका नाम विवरण:
 
१-  नारायण प्रसाद पन्थी,  ३० वर्षिय, बाँगी २, गाडी मालिक
२- राजेन्द्र चौधरी, २७ वर्षिय, कपिलवस्तु बुड्डी ६
३- पदम क्षेत्री,  १८ वर्षिय, सीतापुर-३
४- मेघराज खनाल, २५ वर्षिय, केरुङ्गा ६ घर भई अर्घाखाँची अनुसन्धान कार्यालयका अनुसन्धान अधिकृत
५,- कृष्ण चौधरी, ४२ वर्षिय, दाङ्ग गडवाह,
६- सीता बस्नेत, २२ वर्षिय, वाङ्गला ३ देउराली
७- मीना नेपाली, हंसपुर-१
८- शारदा बेल्बासे, २७ वर्षिय, कपिलवस्तु महेन्द्रकोट भेलाई १
९- ओमप्रकाश बेल्बासे, कपिलवस्तु महेन्द्रकोट भेलाई १
१०- चेतकला न्यौपाने, ४६ वर्षिय, जुकेना-२
११- शान्ता अधिकारी, ३९ वर्षिय, ठाडा-९
१२- केशव थापा, ३५ वर्षिय, ढाकावाङ्ग ५
१३- कमला पौडेल, खाचिकोट ५
१४- अंगद मुसहर, २२ वर्षिय, नवलपरासी रुपेडिया २
१५- गेडाहा मुसहर, ३२ वर्षिय, नवलपरासी २