पाकिस्तानको उत्तर पश्चिमी आदिवासी क्षेत्र बाजाउरमा बम विष्फोट हुंदा कम्तिमा ८ जना मारिएका छन् । अति व्यस्त शहरमा गराइएको विष्फोटबाट २० भन्दा बढी घाईते भएको स्थानिय सुरक्षाकर्मीले जनाएका छन् ।
विष्फोटको जिम्मा हाल सम्म कसैले लिएको छैन् । बाजाउर तालिवानको बलियो पकड मानिने अफगानिस्तानको कुनार प्रान्तसंग सीमा जोडिएको क्षेत्र हो ।
बाजाउरमा केही वर्ष अघि पाकिस्तानी सेना र तालिवान लडाकुबीच भिषण संघर्ष भएको थियो । तर पछिल्लो समय भने सेनाले त्यस क्षेत्रलाई लगातार सुरक्षित क्षेत्र घोषणा गर्दै आएको थियो ।
श्रावण ११ गते, २०६९ मा प्रकाशित
