१५ वर्षभन्दा कम उमेरकी किशोरीसित विवाह नै गरेर शारीरिक सम्बन्ध राखे पनि त्यो बलात्कार ठहर्ने भारतको दिल्ली उच्च अदालतले जनाएको छ । यस मामिलामा पुरुषलाई धार्मिक अधिकारका रुपमा संरक्षण नमिल्ने अदालतले प्रस्ट्याएको छ ।
समाचार एजेन्सी पीटीआईका अनुसार कार्यकारी मुख्य न्यायाधीश एके सिकरीको अध्यक्षतामा तीन न्यायाधीश सम्मिलित बेन्चले १५ वर्षभन्दा कम उमेरकी पत्नीसँग सम्बन्ध राख्नु कानूनअनुसार अपराध हो भनेको छ । यस कानूनको कुनै अपवाद हुन सक्दैन ।
यसलाई सख्तरुपमा लागू गर्न आवश्यक छ, अदालतले भनेको छ । केटीको विवाहसम्बन्धी भारतीय दण्डसंहिता, बालविवाह रोकथाम र हिन्दु विवाहसम्बन्धी नियमका विभिन्न प्रवाधानसम्बन्धमा उठेका सवालको जवाफमा अदालतले यस्तो फैसला सुनाएको हो । कम उमेरकी किशोरीको सहमतिमै सम्बन्ध भए पनि त्यो दण्डनीय हुने अदालतले जनाएको छ ।
– पीटीआई
श्रावण १५ गते, २०६९ मा प्रकाशित
