अर्घाखाँचीका निजी तथा आबसीय बिद्यालयहरु आज एकदिनका लागि बन्द

सन्धिखर्क, अर्घाखाँची । रहस्यमय मोटरसाइकल दुर्घटनामा परी मृत्यु भएका प्याबसन अर्घाखाँचीका अध्यक्ष चन्द्रमणि पाण्डेको शोक ब्यक्त गर्दै अर्घाखाँचीका सम्पुर्ण निजी तथा आबसीय बिद्यालयहरु आज एक दिनका लागि बन्द रहेका छन् ।

 

 रहस्यमय मोटरसाइकल दुर्घटनामा परी मृत्यु भएका प्याबसन अर्घाखाँचीका अध्यक्ष चन्द्रमणि पाण्डेको १३ औ दिनको पुण्य तिथीको अबसरमा शोक ब्यक्त गर्दै र घटनाको सत्य तथ्य छानबिन गर्न माग गर्दै अर्घाखाँचीका निजी बिद्यालयहरु  आज बन्द गरिएको प्याबसन अर्घाखाँचीका सचिब गणेश क्षेत्रीले बताउनु भयो  ।

 

 यस्तै रहस्यमय मोटरसाइकल दुर्घटनामा परी मृत्यु भएका नेपाली कांग्रेस अर्घाखाँची क्षेत्र नं. १ का सभापति चन्द्रमणी पाण्डेको १३ औ दिनको पुण्यदिनको अबसरमा आज नेपाली काग्रेस क्षेत्र नम्बर १ ले ठुलापोखरामा श्रद्धाञ्जली सभा गर्दै छ ।

 

 गएको  असार ३१ गते गोरुसिङ्गेबाट रातको करिब ९ बजेको समयमा सन्धिखर्क तर्फ अउँदै गर्दा कपिलबस्तुको बीरपुर क्षेत्रमा रहस्यमय मोटरसाइकल दुर्घटनामा परी घाईते भएका नेपाली कांग्रेस अर्घाखाँची क्षेत्र नं. १ का सभापति चन्द्रमणी पाण्डेको गएको साउन ४  गतेका दिन काठमाण्डौ स्थित न्यूरो अस्पतालमा  निधन भएको थियो ।