भारतको उत्तरप्रदेशमा २ टाउकोवाला बच्चाको जन्म

भारतको उत्तरप्रदेशस्थित जौनपुरको एक पोलिक्लिकमा २ टाउकोवाला बच्चाको जन्म भएको छ । स्थानीय एक निजी नर्सिङ होममा आइतबार राति एक बच्चीको जन्म भएको बताइएको छ । २ टाउको भएकी उक्त बच्चीको स्वास्थ्य अवस्था भने सामान्य रहेको बताइएको छ । बच्चाको दुबै टाउकोमा सबै अंग उपलब्ध भएको पनि जनाइएको छ ।

समाचाकार अनुसार उक्त नर्सिङ होममा आइतबार साँझ स्थानीय सुमित्रा देवी नामक महिलालाई प्रसवब्यथाको कारण भर्ना गरिएको थियो । उक्त महिलाको सामान्य प्रसव सम्भव नभएपछि स्थानीय समय अनुसार रातको ११ बजेपछि अप्रेशन गरेर बच्चीलाई निकालिएको हो ।

२ टाउको भएकी उक्त बच्चीको २ मुख, ४ आँखा, ४ कान रहेका छन् भने २ टाउकोलाई जोड्ने एक शरीर छ । चिकित्सकका अनुसार फन्जनाइटल एनामिली नामक विकृतिका कारण २ टाउकोवाला बच्चीको जन्म भएको हो । चिकित्सकहरुले लाखौंमा कुनै एक बच्चामा यस्तो विकृति देखापर्ने बताएका छन् ।