श्रावण २३ गते, २०६९ मा प्रकाशितपृथ्वी नारायण शाहले एकिकरण गर्नेक्रममा आजको दिन अर्थात साउन २२ गते तत्कालिन लिम्बुवान राज्य खोसेको विरोध स्वरुप यसलाई कालो दिनको रुपमा लिइने गरिएको परिषदका केन्द्रीय सचिव विष्णु थामदेनले जानकारी दिए । परिषदले अरुण पुर्वका धनकुटा, तेह्रथुम, संखुवासभा, सुनसरी, मोरङ, झापा, इलाम, पाँचथर र ताप्लेजुङ बन्द आव्हान गरेको जनाएको छ ।
बन्दका कारण यातायात, बजार, पसल, कलकारखाना, शिक्षण संस्थाहरु आंशिक प्रभावित भएका छन् । कोसी राजमार्गको धरान धनकुटामा यातायात प्रभावित रहेको छ । परिषदको बन्दलाई संयुक्त लिम्बुवान मोर्चाले समेत नैतिक समर्थन जनाएको छ ।
इलाम । बन्दका कारण मेचीराजमार्ग र ग्रामीण सडकमा मोटर चलेको छैन । सदरमुकाम लगायतका व्यपारिक केन्द्रका फाटफुट पसलमात्र खुलेका छन् । बन्दको प्रभाव मेचीका अन्य पहाडी जिल्लामा पनि परेको छ । संविधान सभा भंग भएपछि पूर्वमा पहिलो पटक बन्द आव्हान गरिएको हो ।
काँकडभिट्टा । वि.स. १८३१ मा तत्कालीन राजा पृथ्वीनारायण शाहले आजकै दिन स्वतन्त्र लिम्वुवान राज्यविरुद्ध सम्झौता गरेको कारण त्यस दिनको सम्झना गर्दै शान्तिपूर्ण बन्द आव्हान गरिएको लिम्वुवान नेता धनध्वज लिम्वुले जानकारी दिए । लिम्वुका अनुसार पार्टीले २०६६ सालदेखि साउन २२ लाई कालो दिनको रुपमा मनाउदै आएको छ । बन्दका कारण पूर्वको यातायात ठप्प छ । शैक्षिक संस्थाहरुमा आंशिक प्रभाव परेको छ ।
तेह्रथुम-बन्दका कारण जिल्लाको जनजीवन विहानै देखी प्रभावित भएको छ । वन्दका कारण जिल्ला भित्र कुनै यातायातका साधन संचालन हुन सकेका छैनन् । बिना जानकारी एक्कासी वन्द आह्वान गरिएकाले पुर्वका धरान, झापा तथा विराटनगर तर्फ हिंडेका सयौं यात्रीहरु विच वाटैमा रोकिएका छन् ।
अन्य समाचारहरु
