देउराली व्यावसायी समितिको छैठौ अधिवेशन शुरु, सवारी साधनलाई सेवामुखी बनाउन वक्ताहरुको जोड

अधिवेशनको उदघाटन अर्घाखाँचीका नि. प्रमुख जिल्ला अधिकारी भेषराज खनालले गर्दै सवारी साधनलाई जनताको सामु अझै सेवामुलक ढंगले अघि बढन आग्रह गरेका छन । कार्यक्रममा नेपाल यातायात व्यावसायी महासंघका केन्द्रिय सदस्य दिल बहादुर ढुंगाना प्रनाउ अरुण पौडेल एमाओवादीका जिल्ला संयोजक गोविन्द केसी नेपाली काग्रेसका सभापति कमलप्रसाद भुसाल एमाले सचिव दलबहादुर भटराई राजमोका सह सचिव पशुपति ढकाल मोहन वैद्य समुहको माओवादीका कार्यालय सचिव गुणनिधि भुसाल पत्रकार महासंघका अध्यक्ष शोभाखर पंथी उद्योग वाणिज्य संघका अध्यक्ष कृष्णप्रसाद श्रेष्ठ लगायतले मन्तव्य राख्दै जस्प चालक सह चालकले ध्यान दिनुपर्ने नियमहरु अनुशासन र प्रशिक्षण सिकाउनुपर्ने बताए । उनीहरुले जनतालाई सुविधामुलक सेवा दिन ध्यान दिनुपर्ने औल्याए । व्यावसायीहरुले पार्किङ्गको व्यवस्था नहुदा समस्या भएको र सवारी साधन चेकजाँच गर्ने क्रममा टाफिक प्रहरीहरुले प्रतिगाडीबाट पैसा उठाएवापत कमिसन आउने भएकाले रसिद काटन लगाएर अनावश्यक दुःख दिने गरेको गुनासो गरेका थिए । सवारी दुर्घटना हुँदा सरकारले विमा लागु नगर्दा सवारी धनी मर्कामा परेको बताएका थिए ।

उदघाटन सत्र समितिका अध्यक्ष देवराज श्रेष्ठको अध्यक्षता महासचिव प्रेम पोण्डेको संचालन र उपाध्यक्ष गोविन्द विसीको स्वागतमा सम्पन्न भएको थियो । शनिवार हुने बन्द सत्रले समितिको नयाँ नेतृत्व चयन गर्ने जनाईएको छ ।