बागलुङ – लगातार तीन दिनदेखि झाडापखालाबाट सिकिस्त भएका यहाँका एक किशोरको मृत्यु भएको छ ।
अधिकारीचौर- ढोरपाटनका १४ वर्षीय किशोर शिव विश्वकर्माको आइतबार बेलुकी मृत्यु भएको उनका दाइ भीमबहादुरले बताए ।
शारीरिक अपांग भएकाले विद्यालयमा समेत नपढेका विश्वकर्मालाई तीन दिन अघि झाडा पाखाला लागे पनि उपचारका लागि टाढा पठाउन नसकी छरछिमेकमै उपचार गराइएको थियो ।
उक्त स्थान सदरमुकामदेखि ४२ कोष पश्चिममा पर्छ । पैदल यात्राबाट तीन दिन लाग्ने उक्त स्थानबाट वर्षाको समयमा सवारी साधन चल्दैनन् । उक्त घटना बारेमा जिल्ला र इलाका स्तरका स्वास्थ्यचौकीमा जानकारी आएको थिएन ।
RSS
भाद्र १९ गते, २०६९ मा प्रकाशित
