टर्कीमा डुंगा दुर्घटना हुँदा कम्तीमा ५८ जनाको मृत्यु भएको छ ।
इराक र सिरियाका नागरिक चढेको डुंगा पश्चिम टर्कीको समुद्रमा दुर्घटना हुँदा मारिनेमा अधिकांश महिला र बालबालिका रहेका छन् ।
अवैध रुपमा युरोप प्रवेश गर्न खोजेका करीव सय जना प्रवासीहरु सवार उक्त डुंगा चट्टानमा ठोक्किएर दुर्घटना भएको हो । केही यात्रुले भने पौडेर ज्यान बचाएका छन् ।
डुंगा चालकलाई भने नियन्त्रणमा लिइएको छ । सिरियामा जारी हिंसाका कारण कयौं सिरियाली नागरिक छिमेकी मुलुक ईराक, जोर्डन र टर्की पलायन भएका छन् ।
भाद्र २३ गते, २०६९ मा प्रकाशित
