काठमाडौं । नेपालका लागि नवनियुक्त अमेरिकी राजदूत पिटर डब्लु. बोडी कार्यभार सम्हाल्न आज काठमाडौं आई पुगेका छन् ।
काठमाडौमा कार्यरत राजदूत स्कट एच डेलिसिलाई अमेरिकाले युगान्डा पठाएपछि रिक्त रहेको स्थानमा बोडीलाई नियुक्त गरिएको हो । नवनियुक्त राजदूत बोडीले राष्ट्रपति रामवरण यादवसमक्ष भदौ २५ गते सोमबार आफ्नो ओहदाको प्रमाणपत्र प्रस्तुत गर्ने कार्यक्रम रहेको छ ।
यसअघि पनि काठमाडौस्थित अमेरिकी दुताबासमा कार्यरत रहेका बोडीमा नेपाली भाषाको ज्ञान रहेको बताईएको छ । बोडी यस अघि ईराकको बग्दादस्थित अमेरिकी दूतावासमा असिस्टेन्ट चीफ अफ मिसनका रुपमा कार्यरत हुनुहुन्थ्यो ।
उनले सन् २००८ देखि २०१० सम्म मलावीका लागि अमेरिकी राजदूतको कार्यभार सम्हालेका थिए ।
– RSS
भाद्र २३ गते, २०६९ मा प्रकाशित
