सन्धिखर्कबाट ढाकावाङ तर्फ जाँदै गरेको जीप दुर्घटना, ५ घाईते

सन्धिखर्क, अर्घाखाँची ।  जीप दुर्घटनामा एकै परिवारका तीन सहित पाँच जना घाईते भएका छन ।

सन्धिखर्कबाट ढाकावाङ तर्फ जाँदै गरेको लु १ ज १२४६ नम्बरको जीप धारापानीमा सडकबाट तल खस्दा पाँच जना घाईते भएका हुन ।

घाईते हुनेमा ढाकावाङ- ६ की २२ वर्षीय सुशिला खनाल उनका दुई छोरा डेढ वर्षका आषिश र दुई महिनाका रबि रहेका छन । अन्य घाईतेमा धारापानी-३ की १६ वषीय गोमा बाजाडे र सवारी चालक पाल्पा हुँगीका जिल्लु अर्याल रहेको प्रहरीले जनाएको छ । घाईतेको जिल्ला अस्पताल सन्धिखर्कमा उपचार भैरहेको छ । उनीहरुको अवस्था सामान्य छ ।

बुटवलबाट अन्डा बोकेर सन्धिखर्क हुँदै ढाकावाङ बजारमा जादै गर्दा विहीबार दिउसो गुडिरहेको जीप चिप्लिएर सडक देखि करिब १ सय मिटर तल खसेको प्रहरीले जनाएको छ ।