ठेकेदारको कार्यशैलीप्रति असन्तुष्टिका कारण बहुचर्चित, बहुप्रतिक्षित र महत्वाकांक्षी मेलम्ची खानेपानी आयोजनाको सुरूङ ठेक्का सम्झौता तोड्ने निर्णय गरिएको सरकारी अधिकारीहरुले बताएका छन्।
मेलम्ची खानेपानी विकास बोर्डको निर्णय अनुसार मेलम्ची खानेपानी विकास समितिले आयोजनाको काम गर्दै आएको चिनियाँ कम्पनीलाई मंगलबार ठेक्का तोड्ने सम्बन्धि सूचना दिएको छ।
एक साताअघि चिनियाँ कम्पनी स्वयंले कामलाई निरन्तरता दिन अनिच्छा देखाउँदै सरकारलाई पत्र पठाएको थियो।
यो निर्णयसँगै काठमाण्डूको तिर्खा मेटाउने एकमात्र आयोजनाको रुपमा हेरिएको मेलम्चीको काम थप केही वर्ष पर धकेलिने निश्चित भएको छ।
सरकारसँग तीन वर्षअघि भएको सम्झौता अनुसार मेलम्ची खानेपानी आयोजनाको ठेक्का पाएका चिनियाँ कम्पनीहरु चाईना रेलवे फिप्टीन ब्यूरो ग्रुप कर्पोरेशन र चाईना मेसिनरी ईन्डष्ट्रिज कन्स्ट्रक्सन ग्रुपले २१ किलोमिटर सुरुङ मार्ग खनिसक्नु पर्थ्यो।
तर उनीहरुले जम्मा साढे छ किलोमिटर मात्र खन्ने काम गरेका थिए।
ठेकेदारको ढिलो काम गर्ने शैलीबाट सरकार र आयोजनामा ऋण लगानी गरीरहेको एसियाली विकास बैंक असन्तुष्ट थिए।
निर्णयबारे मेलम्ची खानेपानी विकास समितिका कार्यकारी निर्देशक कृष्णप्रसाद आचार्यले भने,
आश्विन १० गते, २०६९ मा प्रकाशित
