आफ्नो आवाजबाट सजिलै सीसाको गिलास फोड्ने

अमेरिकाका स्वर प्रशिक्षक जेमी वेन्डेरा आफ्नो आवाजबाट सजिलै सीसाको गिलास फोड्ने गर्छन् । ४२ वर्षीय जेमी यस्तो कौशलताका पछाडि आफूभित्र विशेष शक्ति रहेको मान्न भने तयार छैनन् । बरु उनले आवाजबाटै गिलास फोड्न आफूले कडा मिहिनेत गरेको बताउँछन् । उनले यस्तो कार्यको लागि आफूले प्रशिक्षण लिएको समेत बताएका छन् ।

जेमीले आफ्नो आवाजबाटै रक्सी पिउने सीसाको गिलास सजिलै फोड्दै आएका छन् । साथीले यस्तो कार्य गर्न सिकाएको जेमीले बताउँदै आएका छन् । जेमीले १६ वर्षको उमेरदेखि आफ्नो आवाजबाट गिलास फोड्ने कौशल देखाउँदै आएका छन् ।

जेमीले आफ्नो साथीको माध्यमबाट सन् २००५ मा डिस्कभरी च्यानलको एक कार्यक्रममा भाग लिए, जहाँ उनको आवाज सबै प्रतियोगीको भन्दा माथी मापन भयो । त्यसपछि उनले गिलास तोड्ने अभ्यास गर्न थाले र सफल पनि भए । यसैकारण उनको विश्वरेकर्ड पनि बन्यो । जेमी हाल विश्वकै चर्चित स्वर विशेषज्ञमा पर्छन् ।