अमेरिकी राष्ट्रपति एवं डेमोक्र्याटिक पार्टीका तर्फबाट राष्ट्रपति पदका उम्मेदवार बाराक ओबामा र रिपब्लिकन पार्टीका उम्मेदवार मिट रोमनीबीच आर्थिक र विदेश नीतिबारे चर्को बहस भएको छ ।
न्युयोर्क सहरस्थित होफ्स्ट्रा विश्वविद्यालयमा भएको बहसमा दुई उम्मेदवार आत्मविश्वासी र कडा रुपमा पेश भएका थिए । पहिलो बहसमा कमजोर देखिएका ओबामा दोस्रो चरणमा भने बलियो देखिए ।
आफू बलियो उम्मेदवार भएको प्रदर्शन गर्न पनि ओबामा आक्रामक शैलीमा प्रस्तुत भए । रोमनीले राष्ट्रपतिको नीतिलाई गलत ठहर गरे । उनले पनि आत्मविश्वासका साथ आफ्ना कुरा राखे, तर पहिलेको तुलनामा दोस्रो चरणमा उनले खासै प्रभाव पार्न सकेनन् ।
अर्थ व्यवस्था, उर्जा, रोजगारीलगायतका विषयमा ओबामा र रोमनीबीच दुईपटक बहस भइसकेको छ । अब उनीहरुबीच तेस्रो बहस अक्टोबर २२ मा हुनेछ ।
राजनीतिक विशेषज्ञ र सर्वेक्षणका अनुसार दुई उम्मेदवारबीच ६ नोभेम्बरमा हुने चुनावमा कडा टक्कर हुनेछ ।
– RSS
कार्तिक २ गते, २०६९ मा प्रकाशित
